İncəsənət

Ana səhifə

İncəsənət

“Azərbaycan xalçaları: İrəvan qrupu” kitabının təqdimatı keçirilib - FOTO

“Azərbaycan xalçaları: İrəvan qrupu” kitabının təqdimatı keçirilib - <font color=red>FOTO</font>

03 noyabr 2011 12:31 (UTC +04:00)

Bakı. Pərvin Abbasov – APA. Yeni Azərbaycan Partiyası (YAP), AMEA Tarix İnstitutu və “Azər-ilmə” Azərbaycan Xalçaları Qalereyasının təşkilatçılığı ilə “Azərbaycan xalçaları: İrəvan qrupu” adlı kitabın təqdimat mərasimi keçirilib. APA-nın məlumatına görə, tədbirdə YAP, Milli Məclis və AMEA-nın rəhbərliyi, deputatlar, ziyalılar, sənət adamları iştirak edib.

Çıxış edən YAP-ın sədr müavini – icra katibi Əli Əhmədov “Azərbaycan xalçaları: İrəvan qrupu” kitabının Azərbaycanın itirilən tarixinin bərpası baxımından əhəmiyyətli olduğunu vurğulayıb.

Sonra AMEA Tarix İnstitutunun direktoru Yaqub Mahmudov, “Azər-ilmə” Azərbaycan Xalçaları Qalereyasının direktoru Vidadi Muradov və başqaları çıxış edərək kitabın əhəmiyyətindən danışıblar.

Qeyd edək ki, “Azərbaycan xalçaları: İrəvan qrupu” kitabı Azərbaycanın dövlətçilik tarixinin, tarixi torpaqlarının, itirilmiş yurd yerlərinin, qədim və zəngin mədəniyyət tarixinin, o cümlədən xalçaçılıq sənəti tarixinin öyrənilməsi işinə mühüm töhfə sayılır. Kitab saxtakarlıq və oğurluq yolu ilə Azərbaycanın mədəniyyət inciləri hesabına özünə “mədəniyyət” yaratmağa çalışan erməni qəsbkarlarına zərbə hesab olunur.