İncəsənət

Ana səhifə

İncəsənət

“YARAT!” qeyri-kommersiya təşkilatının təşkilatçılığı ilə “Birləşən körpülər” adlı sərgi açılıb-FOTO

“YARAT!” qeyri-kommersiya təşkilatının təşkilatçılığı ilə “Birləşən körpülər” adlı sərgi açılıb-<font color=red>FOTO</font>

15 may 2012 22:05 (UTC +04:00)

Bakı-APA. Müasir İncəsənət Muzeyində “YARAT!” qeyri-kommersiya təşkilatının təşkilatçılığı ilə “Birləşən körpülər” adlı sərgi açılıb.

APA-nın xəbərinə görə, sərginin açılışında Azərbaycanın birinci xanımı, Heydər Əliyev Fondunun prezidenti Mehriban Əliyeva və fondun vitse-prezidenti Leyla Əliyeva iştirak ediblər.

“YARAT!”ıın rəhbəri Aida Mahmudova sərgi haqqında məlumat verərək, təşkilatın bir ildən az müddətdir ki, fəaliyyət göstərdiyini bildirib.

Təşkilatın layihələrinin yaradıcı insanlarda maraq doğurmasından məmnunluğunu ifadə edən A. Mahmudova sərgidə 12 yerli, 13 xarici rəssamın əsərlərinin təqdim olunduğunu qeyd edib.

Təşkilat rəhbəri layihəni mədəni dialoq adlandırıb və incəsənətin millətlərin, mədəniyyətlərin və dinlərin nümayəndələrinin birləşmələrinə və bir-birini tanımalarına xidmət etdiyini xatırladıb.

A.Mahmudova qeyd edib ki, sərginin həmkuratoru Böyük Britaniyadan olan Adam Vaymutdur. A. Vaymut isə çıxşında sərgini azərbaycanlı rəssamların dünyadakı müasirləri ilə dialoqu kimi qiymətləndirib.

Sərgidə Azərbaycan rəssamlardan Ağa Hüseynov, Altay Sadıqzadə, Faiq Əhməd, Rəşad Ələkbərov, Əli Həsənov, Niyaz Nəcəfov, Rəşad Babayev, Fərid Rəsulov, Aida Mahmudova, Orxan Hüseynov, Nəzrin Məmmədova və Ramal Kazımovun, xarici rəssamlardan isə Ceyms Turrell, Sara Lukas, Anni Morris, Pol Frayer, Kit Kaventry, Aleks Hoda, Olimpiya Skerri, Rayan Mozli, Caap de Vris, Corc Yang və Nil Klementsin əsərləri nümayiş etdirilir.

Qeyd edək ki, “YARAT!” qeyri-kommersiya təşkilatının əsası Aida Mahmudova tərəfindən 2011-ci ilin oktyabrında qoyulub. Təşkilatın bundan əvvəl “Ön söz” və hazırda davam edən “012 Baku Public Art Festival” kimi layihələri olub.

Təşkilatın əsas məqsədi Azərbaycan və xarici qeyri-kommersiya incəsənət fondları ilə dialoq və ideya mübadiləsinin əsasını qoymaqdır.

Sərgi iyunun 15-dək davam edəcək.