İncəsənət

Ana səhifə

İncəsənət

Mixail Qusman: “Yaxın vaxtlarda Müslüm Maqomayevin “Baharın on yeddi anı” adlı yeni albomu işıq üzü görəcək” - FOTO

Mixail Qusman: “Yaxın vaxtlarda Müslüm Maqomayevin “Baharın on yeddi anı” adlı yeni albomu işıq üzü görəcək” - <font color=red>FOTO</font>

24 may 2012 16:11 (UTC +04:00)

“Yeni albomda Müslüm Maqomayevin məşhur “Baharın on yeddi anı” üçün səsləndirdiyi ifalar yer alacaq”

Moskva. Fərid Əkbərov – APA. Görkəmli Azərbaycan sənətkarı Müslüm Maqomayevin yeni albomu işıq üzü görəcək. APA-nın Moskva müxbirinin verdiyi məlumata görə, bu barədə İTAR-TASS agentliyinin baş direktorunun müavini Mixail Qusman vokalçıların Müslüm Maqomayev adına II Beynəlxalq Müsabiqəsinə həsr olunan mətbuat konfransında bildirib. Onun sözlərinə görə, yeni albomda M. Maqomayevin məşhur sovet filmi “Baharın on yeddi anı” üçün səsləndirdiyi ifalar yer alacaq: “Bir çoxlarına məlum deyil ki, “Baharın on yeddi anı” filminin bəstəkarı Mikayıl Tarıverdiyev film üçün bəstələdiyi musiqiləri Müslüm Maqomayevin səsi üçün yazıb. Müslüm Maqomayev bu əsərləri olduqca gözəl ifa edib. Lakin sonradan filmin rejisoru filmdəki musiqilərin İosif Kabzon tərəfindən səslənməsi qərarına gəlib. Bir müddət öncə Tamara Sinyavskayadan xahiş elədim ki, Müslüm Maqomayevin arxivini araşdırsın və həmin ifaları üzə çıxarsın. Tamara Sinyavskaya həmin ifaları arxivdən tapıb. Yaxın vaxtlarda Müslüm Maqomayevin film üçün səsləndirdiyi mahnılardan ibarət “Baharın on yeddi anı” adlı albomu işıq üzü görəcək. Ümid edirəm ki, bu albom müslümsevərlərin ürəyincə olacaq”.

Müslüm Maqomayev