Əməkdar incəsənət xadimi professor, bəstəkar Oqtay Rəcəbov vəfat edib.
Bu barədə APA-ya Mədəniyyət Nazirliyindən məlumat verilib.
Bildirilib ki, tanınmış bəstəkar 81 yaşında dünyasını dəyişib.
Qeyd edək ki, Oqtay Rəcəbov 1941-ci il aprelin 5-də Bakıda anadan olub.
1963-cü ildə Azərbaycan Dövlət Pedaqoji İnstitutunun Fizika və İstehsalatın əsasları fakültəsini,1969-cu ildə Azərbaycan Dövlət Konservatoriyasını bitirib. Uzun müddət Üzeyir Hacıbəyli adına Musiqi Akademiyasının "Azərbaycan xalq musiqisi" kafedrasının professoru olan bəstəkar 4 operanın, 3 musiqili komediyanın, 3 simfoniyanın, 2 oratoriyanın, 1 kantatanın, 500 mahnının müəllifidir.
O, pedaqogika və musiqi ilə bağlı 10 monoqrafiyanın, 70 dərslik, dərs vəsaiti və proqramın, 100-dən artıq məqalənin müəllifidir.
Allah rəhmət eləsin!
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
