Bu gün Azərbaycan Dövlət Film Fondunda görkəmli kino xadimi, kinoşünas, ssenarist və rejissor, Əməkdar İncəsənət Xadimi Aydın Dadaşovun 70 illik yubileyinə həsr edilmiş xatirə gecəsi baş tutub.
APA xəbər verir ki, tədbiri giriş sözü ilə açan Azərbaycan Dövlət Film Fondunun direktoru, professor Cəmil Quliyev Aydın Dadaşovun Azərbaycan filminə verdiyi töhfələrdən bəhs edib.
"Aydın Dadaşov irsi çoxşaxəli olub. Onun filmləri tamaşaçıya həqiqəti, reallığı tamı tamlığına hiss elətdirir. Bu filmlər Azərbaycan sənədli kinosu üçün kifayət qədər uğurlu və yeni xətt idi", - direktor deyib.
Kinoşünas, Əməkdar İncəsənət Xadimi Aydın Kazımzadə isə Aydın Dadaşovun orijinal düşüncəsindən və universal yaradıcı fəaliyyətindən danışıb.
Çıxışlar bitdikdən sonra Aydın Dadaşovun ssenari müəllifi olduğu “Əks-səda” və “Balaban” sənədli filmləri bərpadan sonra ilk dəfə nümayiş olunub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
