Gənc Film İstehsalçıları Assosiasiyasının nəşri olan “Fokus” analitik kino jurnalı yanvar ayında yenidən dərc olunacaq.
Bu barədə APA-ya Mədəniyyət Nazirliyindən məlumat verilib.
Bildirilib ki, Assosiasiya ilə bağlanan müqaviləyə əsasən, nazirlik jurnalın növbəti 4 nömrəsinin nəşrini maliyyələşdirəcək. Həmçinin Azərbaycan Kinematoqrafçılar İttifaqı da jurnalın nəşrinə dəstək göstərir.
Yanvar ayının ortalarında işıq üzü görəcək jurnalın konsepti olduğu kimi qalacaq.
Qeyd edək ki, kino jurnalı 2009-2012-ci illərdə fasilələrlə nəşr olunub.