Tanınmış Amerika aktyoru və kinorejissoru, Oskar mükafatı laureatı Şon Penn Rusiyanın Ukraynaya hərbi müdaxiləsi haqqında sənədli film çəkəcək.
APA NTV-ə istinadən xəbər verir ki, Hollivud ulduzu Ukrayna prezidenti Volodimir Zelenski ilə görüşüb.
"Şon Penn bir çox qərb liderlərinin göstərə bilmədiyi cəsarət nümayiş etdirir", - Ukrayna prezidentinin ofisinin bəyanatında deyilib.
Qeyd edək ki, Penn bundan öncə Meksika narkotik karteli El Çapo haqqında sənədli film çəkib.