Xalq artisti Ramiz Məliklə vida mərasimi Heydər məscidində baş tutacaq.
Bu barədə APA-ya Azərbaycan Dövlət Akademik Milli Dram Teatrının mətbuat katibi Cavid Zeynallı məlumat verib.
Vida mərasimi saat 13:00-da keçiriləcək.
Xalq artisti II Fəxri xiyabanda dəfn ediləcək.
***
08:47
Xalq artisti Ramiz Məlik vəfat edib.
Bu barədə APA-ya Azərbaycan Dövlət Akademik Milli Dram Teatrının mətbuat katibi Cavid Zeynallı məlumat verib.
O bu gün səhər saatlarında vəfat edib.
Mərhumla vida mərasiminin vaxtı və dəfn yeri haqqında məlumat veriləcək. Qeyd edək ki, Ramiz Məlik uzun müddət idi ki, onkoloji xəstəlikdən müalicə olunurdu.
Ramiz Məlik 4 avqust 1943-cü ildə Bakıda anadan olub.
1963-cü ildə Mirzağa Əliyev adına Azərbaycan Dövlət Teatr İnstitutunun dram və kino aktyorluğu fakültəsinə daxil olub. Rza Təhmasibdən, Tofiq Kazımovdan, Məlik Dadaşovdan dərs alıb. 1967-ci ildə həmin ali təhsil ocağının məzunu olub.
1967-ci ildə Akademik Milli Dram Teatrının truppasına aktyor götürülüb.
O tamaşaçıların xatirində Həsən Seyidbəylinin ekranlaşdırdığı "O qızı tapın" filimindəki Ziya obrazı ilə daha çox yadda qlıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
