Bakı. Aygül Rzayeva – APA. Muzey Mərkəzində Azərbaycan rəssamların Novruz bayramına həsr olunmuş əsərlərindən ibarət "Küləkli boyaların çərşənbəsi" adlı sərgi təşkil olunub. APA-nın məlumatına görə, tədbiri giriş sözü ilə açan mədəniyyət və turizm nazirinin müavini Ədalət Vəliyev Novruz adət-ənənələrindən söz açıb və Azərbaycan xalqını bayram münasibətilə təbrik edib.
Daha sonra çıxış edən xalq rəssamı Fərhad Xəlilov sərgidə nümayiş olunan əsərlərin bir-birindən fərqliliyi, ayrı-ayrılıqda orijinallığı və üslub rəngarəngliyi ilə diqqət çəkdiyini vurğulayıb.
Sərgidə nümayiş olunan əsərlərdə Novruz dəyərlərinin tərənnümünə, milliliyə geniş yer verilib.
Sərginin təşkilində əsas məqsəd rəssamların bədii axtarışlarının müxtəlifliyini göstərmək və Azərbaycan rəssamlarının yaradıcılıq dünyasını nümayiş etdirməkdir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
