Bakı. Ülkər Qasımova - APA. Fevralın 24-də Azərbaycan Dövlət Akademik Opera və Balet Teatrında görkəmli bəstəkar Lüdviq Minkusun “Paxita” baletinin premyerası keçiriləcək.
Teatrın mətbuat xidmətindən APA-ya verilən məlumata görə, Marius Petipanın xoreoqrafiyası əsasında baletin quruluşçu baletmeysteri xalq artisti, SSRİ Dövlət mükafatı laureatı Tamilla Şirəliyeva, quruluşçu rəssamı Azərbaycanın əməkdar rəssamı Tahir Tahirov, musiqi rəhbəri və dirijoru xalq artisti, professor Cavanşir Cəfərovdur.
Tamaşada əsas rollarda Azərbaycanın əməkdar artistləri Rimma İsgəndərova, Gülağası Mirzəyev, Yelena Skomoroşenko, truppanın gənc solistləri Nigar İbrahimova və Makar Ferştandt çıxış edəcəklər.