Bakı. Ülkər Rəşidqızı – APA. Mədəniyyət və Turizm Nazirliyi 2013-cü ilin oktyabr-noyabr aylarında Bakı şəhərində Gənc pianoçuların I Beynəlxalq müsabiqəsini keçirəcək. Mədəniyyət və Turizm Nazirliyindən APA-ya verilən məlumata görə, müsabiqə xalqlar və dövlətlərarası mədəni əlaqələrin genişləndirilməsi, fortepiano ifaçılığı sənətinin inkişaf etdirilməsi, gənc istedadların üzə çıxarılması və dəstəklənməsi məqsədi daşıyır. Müsabiqə 13-18 yaşlı uşaq və gənclər arasında 2 yaş qrupu üzrə (I qrup 13-15 yaş, II qrup 16-18 yaş) keçiriləcək.