Növbəti ilin ilk 2-3 ayı ərzində Azərbaycanda Hind film festivalı keçiriləcək.
APA-nın xəbərinə görə, bunu Hindistanın Azərbaycandakı səfiri Sanjay Rana deyib.
Səfir bildirib ki, telejurnalist Namiq Qurbanın hazırladığı, bu gün təqdimatı keçirilən "Dharmendra - Məhəbbət Elçisi" adlı sənədli bioqrafik filmin hind dilinə tərcüməsi üzərində işlər aparılır və işlər yekunlaşdıqdan sonra keçiriləcək təqdimat festivalın başlanğıcına zəmin yaradacaq.
Səfirin sözlərinə görə, festival çərçivəsində Hindistandan alınmış Azərbaycan dilinə keyfiyyətli tərcümə edilmiş hind filmləri nümayiş olunacaq: "Eyni zamanda Hindistanın məşhur aktyorlarının da festivalda iştirakını təmin etmək üçün çalışacağıq".
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
