Bakı. Hafiz Heydərov - APA. Bakıda bir gecədə 4 nəfər yol qəzasında ölüb. Bu barədə APA-ya Bakı şəhər Baş Polis İdarəsindən bildirilib.
Məlumata görə, martın 16-sı paytaxtın İ.İsmayılov küçəsində Saday Paşayev idarə etdiyi «VAZ-21011» markalı avtomobilin idarəetməsini itirərək yolun kənarında dayanmış Ceyhun Baxşəliyevə məxsus «KamAZ» markalı yük maşını ilə toqquşub. Nəticədə S.Paşayev və sərnişini Nizami Rəhimov hadisə yerində ölüb.
Elə həmin gün saat 22:40 radələrində A.Cəlilov küçəsində Təvəkkül Həsənovun idarə etdiyi «Mercedes» və Fərid Eminovun idarə etdiyi «Dodge» markalı avtomobillər toqquşub. Nəticədə T.Həsənov və həyat yoldaşı Yeganə aldığı xəsarətdən hadisə yerindəcə keçiniblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
