Bakı. Rəşad Süleymanov-APA. Azərbaycanda sağlamlığında problem olan çağırışçıların dəqiq müayinəsinin aparılması üçün müasir mərkəz yaradılacaq. Bu barədə APA-ya Səfərbərlik və Hərbi Çağırış üzrə Dövlət Xidmətindən (SHÇDX) məlumat verilib.
Mərkəz səhhətində qüsurlar olan çağırışçıların yoxlanışını təşkil edəcək və onların hərbi xidmətə yararlı olub-olmaması barədə müvafiq qərar qəbul edəcək. Bu məqsədlə mərkəz müasir avadanlıqlar ilə təchiz olunacaq.
Sağlamlığı şübhə doğurmayan çağırışçılar isə rayonlarda hərbi həkim komissiyasından keçiriləcək.