Azərbaycan Mərkəzi Bankının sədri Avropa Yenidənqurma və İnkişaf Bankının icraçı direktorunu qəbul edib
01 mart 2012 15:07 (UTC +04:00)
Bakı. Nicat Mustafayev – APA-Economics. Azərbaycan Mərkəzi Bankının (AMB) sədri Elman Rüstəmov Bakıda səfərdə olan Avropa Yenidənqurma və İnkişaf Bankının (AYİB) maliyyə institutları üzrə icraçı direktoru Nik Tesseymanın başçılıq etdiyi nümayəndə heyətini qəbul edib.
AMB-dən «APA-Economics»ə verilən məlumata görə, görüşdə AYİB-in Azərbaycanda hazırkı fəaliyyəti və gələcək əməkdaşlıq imkanları müzakirə edilib. Mərkəzi Bankla AYİB arasında əməkdaşlığın bundan sonra da yüksələn xətt üzrə inkişaf edəcəyinə əminliyini vurğulayan E.Rüstəmov bildirib ki, hazırda AYİB-in Azərbaycan bank sistemi ilə əməkdaşlığı çərçivəsində bir sıra layihələr uğurla həyata keçirilib.
Öz növbəsində AYİB-in maliyyə institutları üzrə icraçı direktoru N.Tesseyman təmsil etdiyi qurumun Azərbaycanla, xüsusilə Mərkəzi Bankla əməkdaşlıqdan məmnun olduğunu bildirib. O, AMB-nin qlobal maliyyə böhranı şəraitində bank sektoruna yaxından dəstək olduğunu vurğulayaraq görülən antiböhran tədbirlərinin və post-krizis hədəflərinin realizasiyası bank sektorunun sabitliyinə və dayanıqlığına imkan verdiyini bildirib.
Görüşdə həmçinin AMB ilə AYİB arasında formalaşmış əməkdaşlıq əlaqələri və bu əlaqələrin gələcək inkişaf perspektivləri barədə fikir mübadiləsi aparılıb.
AMB-dən «APA-Economics»ə verilən məlumata görə, görüşdə AYİB-in Azərbaycanda hazırkı fəaliyyəti və gələcək əməkdaşlıq imkanları müzakirə edilib. Mərkəzi Bankla AYİB arasında əməkdaşlığın bundan sonra da yüksələn xətt üzrə inkişaf edəcəyinə əminliyini vurğulayan E.Rüstəmov bildirib ki, hazırda AYİB-in Azərbaycan bank sistemi ilə əməkdaşlığı çərçivəsində bir sıra layihələr uğurla həyata keçirilib.
Öz növbəsində AYİB-in maliyyə institutları üzrə icraçı direktoru N.Tesseyman təmsil etdiyi qurumun Azərbaycanla, xüsusilə Mərkəzi Bankla əməkdaşlıqdan məmnun olduğunu bildirib. O, AMB-nin qlobal maliyyə böhranı şəraitində bank sektoruna yaxından dəstək olduğunu vurğulayaraq görülən antiböhran tədbirlərinin və post-krizis hədəflərinin realizasiyası bank sektorunun sabitliyinə və dayanıqlığına imkan verdiyini bildirib.
Görüşdə həmçinin AMB ilə AYİB arasında formalaşmış əməkdaşlıq əlaqələri və bu əlaqələrin gələcək inkişaf perspektivləri barədə fikir mübadiləsi aparılıb.