İnfrastruktur

Ana səhifə

İnfrastruktur

Bakıda genişzolaqlı internet istifadəçilərinin sayı 25% artıb

15 fevral 2012 11:18 (UTC +04:00)

Bakı. Nicat Mustafayev - APA-Economics. Bakı şəhərində genişzolaqlı internetdən istifadə edənlərin sayı 25% artıb.

Bakı Telefon Rabitəsi İstehsalat Birliyindən (BTRİB) «APA-Economics»ə verilən məlumata görə, kənar provayderlərə məxsus ADSL-lər də nəzərə alındıqda, BTRİB-in şəbəkəsində genişzolaqlı xidmətlərdən istifadə etmək imkanlığı 185 007 porta çatdırılıb və hazırda həmin portlardan 146 534 ədədi (BTRİB - 72 818 ədəd, digər provayderlər - 72 962 ədəd, «Datakom» - 754 ədəd) abunəçilərə genişzolaqlı xidmətlərin göstərilməsində istifadə edilir.

Nəticədə Bakıda genişzolaqlı internet istifadəçilərinin sayı 29 587 ədəd və ya 25,3% artaraq 146 534 ədəd çatıb.