İnfrastruktur

Ana səhifə

İnfrastruktur

Türkiyəli mütəxəssislər “Azərsu”nun əməkdaşlarına təlimlər keçir - FOTO

Türkiyəli mütəxəssislər “Azərsu”nun əməkdaşlarına təlimlər keçir - <font color=red>FOTO</font>

25 aprel 2012 14:10 (UTC +04:00)

Bakı - APA-Economics. “Azərsu” ASC işçilərin peşəkarlıq səviyyəsinin artırılması, bilik və bacarıqlarının, iş təcrübəsinin yüksəldilməsinə xüsusi diqqət yetirir.
ASC-nin mətbuat xidməti və ictimaiyyətlə əlaqələr şöbəsindən “APA-Economics”ə verilən məlumata görə, təlim ehtiyaclarının müəyyənləşdirilməsi, təlim proqramlarının hazırlanması və həyata keçirilməsi məqsədilə “Azərsu”da Təlim-Tədris Mərkəzi yaradılıb.
Mərkəzin müxtəlif fəaliyyət sahələri üzrə təşkil etdiyi təlimlərdə yerli və xarici mütəxəssislər tərəfindən idarəetmə sisteminin təkmilləşdirilməsi və yeni texnologiyaların tətbiqi ilə bağlı su təsərrüfatı işçiləri üçün mütəmadi kurslar təşkil olunur. Bu məqsədlə texniki nəzarətçilər üçün “İçməli su və çirkab su sistemlərinin tikinti üsulları və tətbiqi texnologiyaları” və “Polietilen boruların qaynağının tətbiqi texnologiyaları” mövzularında təlimlər keçirilib. Təlimlərdə içməli su və çirkab su xətlərinin tikintisi, dolğu və möhkəmləndirmə, qaynaq əməliyyatları, sağlamlıq və əməyin təhlükəsizliyi məsələləri ətraflı izah olunub, yeni texnologiyalar barədə ekspert rəyləri dinlənilib.
Hazırda türkiyəli mütəxəssislər tərəfindən “Azərsu” ASC-nin Bakı Sukanal idarəsinin əməkdaşları üçün “Çirkab sutəmizləmə qurğularının istismarı” mövzusunda təlimlər keçirilir. Hövsan Aerasiya Stansiyasında təşkil olunan təlimlərdə dinləyicilərə çirkab su mənbələri, təmizləmə üsulları, bioloji proseslər, laboratoriya analizləri və s. məsələlərlə bağlı qabaqcıl təcrübə haqda məlumatlar verilir, yeni texnologiyaların tətbiqi barədə tədris işləri aparılır.
Bununla yanaşı, Bakı Sukanal İdarəsinin və “Sukanal” Elmi-Tədqiqat Layihə İnstitutunun müvafiq şöbələrinin işçiləri üçün “Çirkab sutəmizləmə qurğularının layihələndirilməsi” mövzusunda treninqlər başlanıb. Təlimlərdə çirkab suların təmizlənməsinin bütün mərhələləri ətraflı izah olunur və son texnologiyalar barədə məlumatlar verilir.
İndiyə qədər keçirilən təlimlərə “Azərsu” ASC-nin müxtəlif idarə və müəssisələrinin 100-dən çox əməkdaşı cəlb olunub.