Sosial

Ana səhifə

Sosial

Azərbaycan ərazisində həftə sonu üçün hava proqnozu açıqlanıb

02 mart 2012 09:30 (UTC +04:00)

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin APA-ya verdiyi məlumata görə, gündüz arabir güclənən mülayim qərb küləyi əsəcək. Havanın temperaturu gecə 1-3, gündüz 5-9 dərəcə isti olacaq.

Martın 4-də hava əsasən yağmursuz keçəcək. Lakin axşam yarımadanın bəzi yerlərində yağıntılı olacağı gözlənilir. Cənub-qərb küləyi əsəcək. Havanın temperaturunun gecə 1-3, gündüz 5-8 dərəcə isti olacağı proqnozlaşdırılır.

Azərbaycanın rayonlarında martın 2-dən 3-nə keçən gecə və səhər havanın bəzi yerlərdə yağıntılı olacağı, dağlıq və dağətəyi rayonlarda qar yağacağı, gündüz əsasən yağmursuz keçəcəyi gözlənilir. Qərb küləyi əsəcək, gündüz əsasən dağlıq rayonlarda arabir güclənəcək. Havanın temperaturu gecə 0-4, gündüz 10-15 dərəcə isti, dağlarda gecə 2-7 dərəcə şaxta, gündüz 2-7 dərəcə isti olacaq. Yüksək dağlıq ərazilərdə havanın minimal temperaturu 7-12 dərəcə şaxta təşkil edəcək.

Martın 4-də bölgələrdə hava əsasən yağmursuz olacaq. Gecə və səhər bəzi yerlərdə duman müşahidə ediləcək. Lakin gecə və səhər yağıntılı olacağı, dağlıq və dağətəyi rayonlarda qar yağacağı gözlənilir. Qərb küləyi əsəcək, arabir güclənəcək. Havanın temperaturu gecə 0-4, gündüz 10-15 dərəcə isti, dağlarda gecə 2-7 dərəcə şaxta, gündüz 2-7 dərəcə isti olacaq. Yüksək dağlıq ərazilərdə havanın minimal temperaturu 9-14 dərəcə şaxta olacaq.

hava