Hadisə

Ana səhifə

Hadisə

Ağdamda baş verən yol qəzasında ata və ana ölüb, iki azyaşlı övladları isə ağır xəsarətlər alıb

23 oktyabr 2012 16:29 (UTC +04:00)

APA-nın Qarabağ bürosunun xəbərinə görə, hadisə Ağdam rayonun Xındırıstan kəndində baş verib. Ağdam rayon sakini, 1978-ci il təvəllüdlü Muxtarov Zahir Tahir oğlu idarə etdiyi VAZ 2106 markalı “Jiquli” avtomaşının sürət həddini aşma nəticəsində yol kənarındakı ağaclara çırpıb. Nəticədə Z. Muxtarov və həyat yoldaşı 1983-cü ildə anadan olmuş Muxtarova Bahar Manaf qızı ağır vəziyyətdə Ağdam Mərkəzi Rayon Xəstəxanasına aparılsa da, yolda keçiniblər. Maşında olan digər sərnişinlər - sürücünün qardaşı Anar Muxtarov, sürücünün iki və üç yaşlarındakı qızları Nəzrin və Nərmin Muxtarovalar xəstəxanaya yerləşdiriliblər.

Həkim nəzarətində olan Anar Muxtarov hadisənin yüksək sürət ucbatından törədildiyini deyib. İlkin tibbi yardım göstərilən uşaqlardan birinin ağır kəllə-beyin travması aldığı bildirilir. Faktla bağlı Ağdam Rayon Polis Şöbəsində araşdırma aparılır