Bakı - APA-Economics. Bakı Ali Neft Məktəbinin (BANM) Tələbə Gənclər Təşkilatı Azərbaycan prezidenti yanında Gənclər Fondunun 2013-cü ildə həyata keçirdiyi qrant müsabiqəsi çərçivəsində “Gənc Neftçilər” olimpiada layihəsi üzrə qalib olub.
Məktəbdən “APA-Economics”ə verilən xəbərə görə, bu layihəyə əsasən Azərbaycan Tələbə Gənclər Təşkilatları İttifaqının (ATGTİ) və BANM-nin Tələbə Gənclər Təşkilatının birgə təşkilatçılığı ilə ali məktəbdə respublika üzrə olimpiadalar keçirilib.
Olimpiadalar 5 istiqamət (iqtisadi biliklər, tarix, psixologiya, tibbi biliklər və gənc neftçilər) üzrə aparılır. Olimpiadalarda iştirak etmək üçün 3000-ə yaxın tələbə qeydiyyatdan keçib və onlardan 500 nəfəri final mərhələsinə keçib. Olimpiadaların qalibləri yanvar ayında BANM-də keçiriləcək mükafatlandırma mərasimində təltif olunacaqlar.