Bakı-APA. Bakıda yanğın hadisəsi baş verib. APA-nın Fövqəladə Hallar Nazirliyinin (FHN) saytına istinadən verdiyi xəbərə görə, yanğın paytaxtın Suraxanı rayonunda vətəndaşa məxsus ümumi sahəsi 45 kv.m olan birmərtəbəli 2 otaqlı evdə baş verib. Nəticədə, evin 1 otağında 20 kv.m sahədə ev əşyaları yanıb.
Yanğın zamanı 1 nəfər yanıq xəsarətləri alıb və Təcili Tibbi Yardım Xidməti tərəfindən aidiyyəti üzrə aparılıb.
Evin qalan hissəsi yanğından mühafizə olunub. Yanğın saat 01:05-də yanğınsöndürənlər tərəfindən söndürülüb.