Bakı-APA. Türkiyədə ağır yol qazası baş verib.
APA-nın “Anadolu” agentliyinə istinadən verdiyi məlumata görə, Əskişəhərdə avtomobil ilə mikroavtobusun toqquşması nəticəsində 8 nəfər xəsarət alıb.
Toqquşmadan sonra mikroavtobus yaxınlıqdakı tikiliyə çırpılıb. Qəzada hər iki sürücü, və mikroavtobusda olan 6 nəfər xəsarət alıb.
Yaralılar hadisə yerinə gələn təcili yardım maşınları ilə şəhər xəstəxanasına aparılıblar. Onların həyatlarına təhlükə olmadığı bildirilir.