Bakı. Şəhriyar Əlizadə - APA. Bu Gün Bakı Ağır Cinayətlər Məhkəməsində narkotik vasitələrin qanunsuz dövriyyəsində təqsirləndirilən Əli Əliyevin cinayət işi üzrə məhkəmə prosesi başa çatıb.
APA-nın məlumatına görə, prosesdə hökm oxunub. Hökmə əsasən Ə. Əliyev 8 il müddətinə azadlıqdan məhrum edilib.
Qeyd edək ki, Ə. Əliyev polis əməkdaşlarının keçirdikləri əməliyyat tədbirləri nəticəsində narkotik vasitə satmaq istəyən zaman saxlanılıb.
O, Cinayət Məcəlləsinin 234-cü (narkotik vasitələr əldə etmə, saxlama, satma, daşıma) maddəsinə əsasən ittiham edilir.