Bakı. Vüsal Nəbiyev - APA-Economics. Qurban bayramı günlərində "Azərbaycan Dəmir Yolları" QSC gücləndirilmiş iş rejiminə keçəcək.
Bunu “APA-Economics”ə “Azərbaycan Dəmir Yolları” QSC-nin Mətbuat Katibliyinin rəisi Nadir Əzməmmədov bildirib.
"Sentyabrın 21-dən etibarən ölkə ərazisində bayram günləri olduğu üçün, stansiyalarda və bəzi iş yerlərində növbəli iş rejiminə keçiləcək. Bayram günləri sərnişinlərin təhlükəsiz daşınması üçün "Azərbaycan Dəmir Yolları" QSC-nin əməkdaşları növbəli sistemlə işləyəcəklər", - deyə N. Əzməmmədov vurğulayıb.
Qurum rəsmisinin sözlərinə görə, sentyabrın 21-dən sərnişin sıxlığı nəzərə alınaraq xətlərə əlavə vaqonlar da buraxılacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
