İnfrastruktur

Ana səhifə

İnfrastruktur

Körpü-tunel kompleksi sınaqdan keçirilib

22 sentyabr 2008 11:11 (UTC +04:00)

Bakı. Rəşad Süleymanov-“APA-Economics”. “Akkord” Şirkətlər Qrupu paytaxtın Heydər Əliyev, Babək və Şah İsmayıl Xətai prospektlərinin kəsişməsindəki körpü kompleksini sınaqdan çıxarıb. Şirkətin ictimaiyətlə əlaqələr şöbəsindən APA-ya daxil olan məlumata görə, Rusiyanın “İMİDİS İnstitutu” QSC tərəfindən həyata keçirilən sınaq prosedurları zamanı körpü kompleksinin layihə və icra sənədlərinin öyrənilməsi, bütün əlçatan konstruksiyaların dəqiq şəkildə müayinəsi, kompleksin ayrı-ayrı hissələrinin statik və dinamik xüsusiyyətləri - yükgötürmə, dayanıqlılıq, hərəkətin rahatlığı və s. keyfiyyətləri yoxlanılıb. Bunun üçün xüsusi sınaq cihazları ilə yanaşı ağır tonnajlı yük maşınlarından da istifadə olunub.
Mütəxəssislər sınaqların nəticəsini uğurlu hesab edərək, körpü kompleksinin standartlara cavab verdiyini və istifadəyə tam yararlı olduğunu bildiriblər.
Qeyd edək ki, körpü kompleksi respublikada ilk dəfə olaraq tətbiq olunan texnologiya əsasında xüsusi isitmə sistemi ilə təchiz edilib və bu da onun sərt qış aylarında donmasının qarşısını almaq məqsədi daşıyır. Yeni sistem havanın temperaturu 0-4 dərəcə arasında dəyişdikdə avtomatik olaraq işə düşür, temperatur yüksəldikdə isə, öz funksiyasını dayandırır.

Kompleksi digərlərindən fərqləndirən əsas cəhətlərdən biri də onun tikintisində təmiz qranitdən istifadə olunmasıdır. Körpünün ətrafındakı bütün ərazi yaşıllaşdırılıb.

körpü-tunel kompleksinin tikintisini həyata keçirir. Bünövrəsi Respublika Prezidenti cənab İlham Əliyev tərəfindən qoyulan bu kompleksdə 4 yolötürücü ilə bərabər 2 tunelin tikintisi, eyni zamanda həmin ərazidən keçən dəmiryol körpüsünün yeni dəmiryol körpüsü ilə əvəz edilməsi nəzərdə tutulub. Layihəyə Babək prospekti boyunca inşa edilən yolötürücülərdən birinin üzərində piyadaların hərəkətini tənzimləyəcək hissənin tikintisi də daxildir.

Onu da xatırladaq ki, “Akkord” Nəqliyyat Nazirliyinin sifarişi ilə 2006-cı il avqustun 4-dən bu kompleksin inşasına başlayıb. Bu il iyul ayının 10-da Təbriz küçəsi ilə Heydər Əliyev prospekti istiqamətində 4 saylı yolötürücü və “Excelsior” mehmanxanası yanında yerləşən 2 saylı tunel istifadəyə verilib. Hazırda digər yolötürücü və 1 saylı tuneldə son tamamlama işləri həyata keçirilir.