İnfrastruktur

Ana səhifə

İnfrastruktur

«Bakinity» şirkəti Azərbaycan bazarına yeni İKT avadanlıqları çıxarıb

14 noyabr 2008 14:53 (UTC +04:00)

Bakı. Vüqar Mustafayev - APA-Economics. Azərbaycanın «Bakinity» şirkəti ilk dəfə olaraq daxili bazara «ZyXEL» şirkətinin istehsalı olan İP-telefonlarını çıxarıb. «Bakinity» şirkətindən «APA-Economics»ə verilən məlumata əsasən, bu telefonlar vasitəsilə kompüterə qoşulmadan İnternetə çıxmaq və ölkə xaricinə zəng vurmaq mümkündür, zəngin qiyməti isə 1 sent təşkil edəcək.
Qeyd edək ki, İP-telefonların qiyməti texniki göstəricilərdən asılı olaraq 35 manatdan 200 manatadək dəyişir.
İKT-nin inkişafı üzrə Dövlət Proqramı çərçivəsində şirkət rabitə operatorlarına telekommunikasiya avadanlığının tədarükünü həyata keçirir. Həmin avadanlıq ölkənin azsaylı istifadəçiləri olan və rentabelliyi aşağı olan uzaq bölgələrdə genişzolaqlı İnternetin qiymətini əhəmiyyətli dərəcədə aşağı salmasına imkan yaradır. Hər istifadəçinin İnternetə qoşulması qiyməti 10-15 manat təşkil edir.
Bundan başqa şirkət bazara «D-LİNK» şirkətinin istehsalı olan İP-kameraları da təqdim edib. Bu kameralar İnternetə qoşulmaqla istənilən obyekti müşayiət etməyə imkan verir. Şirkət tərəfindən təqdim olunan «ICONBIT» şirkətinin istehsalı olan multimediapleyerlər videomaqnitofon və DVD-ni əvəz edərək 1000 filmi yaddaşına toplamaq imkanına malikdir. Kiçik olan bu qurğu adi televizora qoşula bilər.
Bununla yanaşı, şirkət Azərbaycanda ilk dəfə olaraq Bakıda və regionlarda kompüter və şəbəkə avadanlığının quraşdırılması xidmətləri göstərən «HiTechService» mərkəzi yaradıb. Xidmətlərin qiyməti 10-35 manat diapazonunda dəyişir.