İnfrastruktur

İnfrastruktur

«Land Rover» – dünyanın yeganə rəqibsiz avtomobili, keyfiyyət və dəbdəbə nümunəsidir

16 mart 2009 11:46 (UTC +04:00)

Bakı. Nicat Mustafayev – APA-Economics. Yarım əsrdən artıqdır ki, Britaniyanın «Land Rover» şirkəti dünyanın hər yerində nüfuzu ilə tanınan avtomobillər istehsal edir.
«Land Rover» avtomobillərinin Azərbaycanda rəsmi idxalçısı olan «Nurgün Motors» şirkətindən «APA-Economics»ə verilən məlumata görə, ikinci Dünya Müharibəsinin dəhşətli nəticələrindən sonra yenicə özünə gəlməyə başlayan dünya avtomobil sənayesində bu əfsanəvi markanın yaranma tarixi elə bu avtomobilin özü kimi unikaldır.
Şübhəsiz ki, «Land Rover» avtomobilinin 60 ildən artıq müddətdir artmaqda olan pərəstişkarlarının sıralarına müasir modellər sayəsində daim yeni avtomobil həvəskarları qoşulur. «Freelander» kimi aktiv istirahət həvəskarları üçün nəzərdə tutulan, çətin yerlərdən keçməkdə əla keyfiyyətlərə və nüfuzlu sələflərə malik olan, tam ötürücülü kompakt avtomobillərin bazarda peyda olması şirkətə əlavə uğur gətirib.
Lakin zaman bir yerdə dayanmır, xüsusən yeni minillikdə həyatın ritmi hər il sürətlənir. Bununla əlaqədar olaraq aktiv avtomobil sürmə ön plana çıxır. Müasir dövrün tələblərinə cavab vermək üçün şirkət bazara özünün yeni flaqman modellərini – «Range Rover» avtomobillərini çıxardı. Dinamika və idarəetmə göstəricilərinə görə bu modellər «Land Rover» şirkətinin tarixində ən yaxşı və uğurlu modellərdən biri oldu.
Maraqlıdır ki, indiyədək «Land Rover» şirkətinin istehsal etdiyi avtomobillərin 90%-i hələ də bütün dünyada öz sahiblərinə layiqincə xidmət etməkdədir. Belə ki, 1948-ci ildə yaranmış «Land Rover» şirkəti yeni yüzilliyə tam ötürücülü lüks avtomobillər içərisində ən yaxşı avtomobil modellərinin istehsalçısı kimi daxil olub.