İnfrastruktur

Ana səhifə

İnfrastruktur

“Bakcell” şirkəti yeni SMS viktorinası keçirir

11 noyabr 2011 12:05 (UTC +04:00)

Bakı - APA-Economics. Azərbaycanın ilk mobil operatoru “Bakcell” şirkəti yeni kampaniyaya start verib.

Şirkətdən “APA-Economics”ə verilən məlumata görə, bu ilin aprel ayında “70 gün ərzində Porsche Cayenne qazan” SMS viktorinasında abunəçilərindən biri “Porsche Cayenne” avtomobili qazanan “Bakcell” şirkəti müştərilərin çoxsaylı istəyini alaraq, abunəçilərinə arzuladıqları “Porsche” avtomobilini qazanmaq imkanını yaratmaq məqsədilə yeni “3 Porsche-dən birini seç” SMS viktorinasına başladığını elan edib.

Bu dəfə şanslı iştirakçının dinamik “Porsche Cayenne”, idman avtomobili “Porsche Cayman” və ya “Porsche Panamera” arasından öz hədiyyəsini seçmək imkanı var. SMS viktorinası 77 gün müddətində - noyabrın 10-dan yanvarın 25-dək davam edəcək. Bu viktorina bütün abunəçilərə hədiyyələr qazanmaq üçün geniş imkanlar yaradır. Qaliblər viktorinanın müddəti ərzində gündəlik, həftəlik və sonda püşkatma yolu ilə müəyyən ediləcəklər. Seçim prosesinin ən şəffaf şəkildə keçməsini təmin etmək üçün elektron püşkatma Qiymətli Kağızlar üzrə Dövlət Komitəsi tərəfindən təsdiq edilmiş Tiraj Komissiyasının nəzarəti altında keçiriləcək. Tiraj Komissiyasının heyətinə kənardan cəlb edilmiş mütəxəssis daxil olacaq.

Bütün “Bakcell” abunəçiləri bu inanılmaz fürsətdən yararlana və qiymətli hədiyyələr qazana bilərlər. Viktorinaya qoşulmaq istəyənlər SMS vasitəsilə 333 qısa nömrəsinə “START” sözünü göndərib, 333-dən göndərilən qısa suallara fəal şəkildə cavab verməlidirlər. Bütün SMS sualların 2 cavab variantı var və bir sualın yalnız bir cavab variantı doğrudur. İştirakçılar öz cavab variantını seçib “1” və ya “2” yazaraq SMS sualına cavab verməlidirlər. Hər düzgün cavaba görə iştirakçıya 10 xal verilir. Nəzərə alın ki, səhv cavablara görə xal çıxılmır. Bu isə o deməkdir ki, səhv cavab göndərənlər heç də uduzmayacaqlar və göndərilən SMS-lərin sayı belə onlara hədiyyə qazandıra bilər. 333 nömrəsinə göndərilən bir SMS-in qiyməti 0.69 AZN (ƏDV daxil) təşkil edir.

333 nömrəsinə ən çox SMS göndərən iştirakçılar gündəlik və həftəlik hədiyyələrə sahib olacaqlar. 77 gün ərzində, bazar günləri istisna olmaqla hər gün bir bəxtəvər iştirakçı gün ərzində göndərilmiş hər SMS mesajına görə 100 AZN qazanacaq. Hər iştirakçı gündə 100-ə qədər SMS göndərib elektron püşkatma nəticəsində 10 000 AZN məbləğində uduşa sahib ola bilər. Məsələn, əgər abunəçi gün ərzində 10 SMS göndərib elektron püşkatmanın qalibi olarsa, həmin iştirakçı 1000 AZN qazanacaq.

Bazar günləri pul mükafatları ikiqat çoxalacaq. Belə ki, hər iştirakçı 100-ə qədər SMS göndərib hər SMS mesajına görə 200 AZN qazana bilər. Bu isə o deməkdir ki, həmin abunəçi elektron püşkatma nəticəsində 20 000 AZN qazana bilər.

Viktorina ərzində ən çox xal toplayan oyunçu əsas mükafata - “Porsche” avtomobilinə sahib olacaq. Son tirajda SMS-lərin sayı deyil, SMS suallara verilmiş düzgün cavablara görə verilən xallar nəzərə alınacaq. Son tirajın xoşbəxt qalibi əsas mükafatı - təklif olunan üç avtomobil (“Porsche Cayenne”, “Porsche Cayman” və ya “Porsche Panamera”) arasından seçmək imkanı əldə edəcək.

SMS viktorinası barədə daha ətraflı məlumatı http://www.333.bakcell.com/AZ/index_Aze.html səhifəsinə daxil olmaqla əldə etmək mümkündür.