İnfrastruktur

Ana səhifə

İnfrastruktur

Azərbaycan paytaxtı «Flydubai»ın 9 ən populyar marşrutu siyahısında yer alıb - FOTO

Azərbaycan paytaxtı «Flydubai»ın 9 ən populyar marşrutu siyahısında yer alıb - <font color=red>FOTO</font>

04 may 2012 14:10 (UTC +04:00)

Bakı. Nicat Mustafayev – APA-Economics. Azərbaycan paytaxtı Birləşmiş Ərəb Əmirliklərinin «Flydubai» aviaşirkətinin 9 ən populyar marşrutlar siyahısına düşüb.

Şirkətdən «APA-Economics»ə verilən məlumata görə, eyni zamanda, Bakı «Flydubai»ın xüsusi marşrutlar siyahısında da ilk üçlükdə yer alıb ki, bura həmçinin Tbilisi (Gürcüstan) və Əddis-Əbəbə (Həbəşistan) şəhərləri də daxildir.

«Xəzər dənizinin qərb sahillərində yerləşən Bakı – Qafqazın ən böyük və sürətlə inkişaf edən şəhəridir. Azərbaycan paytaxtı qədim və müasir telləri özündə məharətlə birləşdirir. Həmçinin, bu ölkənin mədəniyyəti ilə tanış olmaq, təkraredilməz mətbəxindən dadmaq tövsiyə olunur. Dubaydan Bakıya həftədə 5 dəfə uçuş həyata keçirilir ki, hər iki tərəfə bir biletin minimal qiyməti 284 ABŞ dolları təşkil edir», - deyə şirkətin məlumatında deyilir.

Aviaşirkətin 3 ən populyar biznes marşrutu siyahısında Doha (Qətər), Küveyt (Küveyt) və Muskat (Oman), istirahət üçün 3 ən populyar marşrut siyahısında isə Beyrut (Livan), Kolombo (Şri-Lanka) və Katmandu (Nepal) şəhərləri yer alıb.

Qeyd edək ki, ümumiyyətlə, «Flydubai» aviaşirkəti hazırda 29 ölkənin 45 şəhərinə uçuşlar yerinə yetirir. Şirkətin uçuş coğrafiyası Fars körfəzi, Orta Şərq, Afrika, Hindistan, Asiya, MDB, Mərkəzi və Şərqi Avropanı əhatə edir.