İnfrastruktur

Ana səhifə

İnfrastruktur

Azərbaycanda sabit internetin sürəti martda artıb

19 aprel 2022 09:22 (UTC +04:00)

Bu ilin mart ayında Azərbaycanın mobil rabitə operatorlarının şəbəkələrində giriş internet trafikinin sürəti 30,40 Mbit/s təşkil edib.
"APA-Economics"in "Ookla"nın "Speedtest Global Index"in məlumatları əsasında apardığı hesablamalarına görə, bu göstərici fevral ayı ilə müqayisədə 1,46% azalıb.
Cari ilin martında ölkənin mobil şəbəkələrində çıxış trafikinin sürəti ötən ilin fevral ayının göstəricisi ilə müqayisədə 3,45% azalaraq 8,97 Mbit/s olub.
Qeyd edək ki, dünya üzrə mobil trafikinin giriş və çıxış sürəti müvafiq olaraq 29,96 Mbit/s və 8,70 Mbit/s təşkil edib. Mart ayının nəticələrinə görə, Azərbaycan bu göstərici üzrə 142 ölkə arasında 2 pillə geriləyərək 63-ci yerdə qərarlaşıb.
Mobil internet sürətinə görə liderlərin ilk üçlüyünə BƏƏ (135,35 Mbit/s), Norveç (134,73 Mbit/s) və Qətər (120,69 Mbit/s) daxil olub.
Reytinqə əsasən, bu ilin mart ayında Azərbaycanda sabit genişzolaqlı internet trafikinin giriş sürəti 19,93 Mbit/s, çıxış sürəti isə 21,16 Mbit/s təşkil edib. Fevral ayı ilə müqayisədə giriş sürəti 5,6%, çıxış sürəti isə 7,3% artıb.
Bu ilin mart ayının nəticələrinə görə, sabit internetin sürəti reytinqində Azərbaycan 182 ölkə arasında 3 pillə irəliləyərək 119-ci yerdə qərarlaşıb.
Dünyada ən sürətli sabit interneti olan ilk üç lider ölkə Sinqapur – 197,97 Mbit/s, Çili – 197,28 Mbit/s və Tayland – 187,80 Mbit/s olub.
Bu ilin martında qlobal sabit internetin giriş və çıxış trafikinin orta sürəti isə müvafiq olaraq 62,52 Mbit/s və 26,98 Mbit/s təşkil edib.