Bakı-Tbilisi-Qars (BTQ) dəmir yolu xətti ilə bu günə kimi 2 milyon 405 min ton yük daşınıb.
“APA-Economics”in “Anadolu Ajansı”a istinadən verdiyi məlumata görə, bu barədə Türkiyənin Nəqliyyat, Dənizçilik və Kommunikasiya naziri Əhməd Arslan bildirib.
Onun sözlərinə görə, Bakı-Tbilisi-Qars dəmir yolu xəttinin tikintisi ilə Londondan yola düşən bir dəmir yolu yükü Pekinə qədər çata biləcək hala gəlib, dəmir yolu qitələrarası baxımdan fasiləsiz olub.
Covid-19 pandemiyası zamanı BTQ-nın yük daşımalarında mühüm rol oynadığını ifadə edən Əhməd Arslan, quru nəqliyyat vasitələrinin sərhəd keçidlərində problem yaşandığı dövrlərdə dəmir yolu ilə fasiləsiz daşımaların həyata keçirildiyini bildirib.
Qars-İğdır-Dilucu-Naxçıvan dəmir yolu layihəsinin tamamlandığını da qeyd edən nazir əlavə edib ki, bu xəttin tikintisi də qitələrarası əlaqələrin inkişafında böyük imkanlar yaradacaq.
“30 oktyabr 2017-ci ildə istifadəyə verilən Bakı-Tbilisi-Qars dəmir yolu xətti ilə ümumilikdə 2 milyon 405 min ton yük daşınıb”, - nazir qeyd edib.
O, əlavə edib ki, təkcə bu dəmir yolu xətti ilə 2022-ci ildə 691 min ton yük daşınıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
