İnfrastruktur

Ana səhifə

İnfrastruktur

Çində ilişib qalan konteynerlər Azərbaycana göndərilib

01 aprel 2022 11:24 (UTC +04:00)

“Çin-ŞƏT iqtisadi və ticarət əməkdaşlığı nümayişi zonası” Şərqi Çinin Qingdao şəhərində ilişib qalan yükdaşıma konteynerlərin göndərilməsinə Azərbaycanın Çindəki Ticarət nümayəndəliyinə yardım edib. “APA-Economics” “Xinhua ”nın yaydığı məlumata istinadən xəbər verir ki, Nümayiş Zonasının rəhbərliyi 50 konteynerinin təcili göndərilməsinə köməklik göstərilməsi ilə bağlı Azərbaycan tərəfinin rəsmi müraciətinə operativ reaksiya verib.
Daşıma imkanları məhdud olduğundan “Jiaozhou” dəmir yolu stansiyasında ilişib qalan yük, vaxtında paytaxt Bakı və Tbilisiyə göndərilə bilmirdi.
Administrasiya qatarların hərəkət planını birgə razılaşdırmaq və mümkün tədbirləri müzakirə etmək üçün dərhal aidiyyəti idarələrlə əlaqə saxlayıb. Daha sonra rəhbərlik fikir mübadiləsi aparmaq və işçi qrupunun yaradılması məqsədilə Ticarət Nümayəndəliyi və digər Azərbaycan və Çin şirkətləri ilə onlayn görüş keçirmək təşəbbüsü ilə çıxış edib. Nəticədə səmərəli və fasiləsiz əlaqə kanalları yaradılaraq, konteynerlərin saxlanması problemləri həll edildi və konteynerlər Çin-ŞƏT Zonasının Multimodal Nəqliyyat Mərkəzindən yola salındı.