İnfrastruktur

Ana səhifə

İnfrastruktur

Daşınmaz əmlak qiymətlərinin şişirdilməsinə görə dünya şəhərlərinin reytinqi - TOP-25

20 oktyabr 2021 15:08 (UTC +04:00)

İsveçrənin UBS investisiya bankı daşınmaz əmlakın qiymətlərinin şişirdilmiş həddə çatması riski ilə üzləşən dünya şəhərlərinin reytinqini hazırlayıb.

"APA-Economics"in bankın araşdırmasına istinadən verdiyi məlumata görə, UBS-in "Qlobal Daşınmaz Əmlak Köpüyü İndeksi" şəhərlərdə qiymətlərin həddindən artıq şişməsinin riskini ölçür. Aparılan araşdırmalara görə, Frankfurt (Almaniya), Toronto (Kanada) və Honkonq (Çin) şəhərləri qiymətlərin şişirdilmiş həddinin ən yüksək pilləyə ("köpük" həddi) çatması riski altındadır.

2021-ci ilin ilk yarısında sözügedən şəhərlərdə daşınmaz əmlak qiymətləri illik müqayisədə Frankfurt və Torontoda 5%-dən çox, Honkonqda isə 5%-dək artıb. Qiymətlərin şişməsi riskinə görə, ilk sıralarda yer almamasına baxmayaraq son bir ildə daşınmaz əmlakın ən kəskin bahalaşması Moskva (20%-dən çox), Stokholm (15%-dən çox) və Sidney (12%-dən çox) şəhərlərində qeydə alınıb.

UBS-in "Qlobal Daşınmaz Əmlak Köpüyü İndeksi"nə görə şəhərlərin reytinqi:

#	Şəhərlər	İndeks
"Köpük" riski yüksəkdir
1	Frankfurt	2,16
2	Toronto	2,02
3	Honkonq	1,90
4	Münhen	1,84
5	Sürix	1,83
6	Vankuver	1,66
7	Stokholm	1,62
8	Paris	1,59
9	Amsterdam	1,58
Qiymətlər şişirdilib
10	Tokio	1,46
11	Sidney	1,39
12	Mayami	1,24
13	Los-Anceles	1,20
14	Cenevrə	1,10
15	London	1,08
16	Moskva	1,07
17	Tel-Əviv	0,74
18	San-Fransisko	0,70
19	Boston	0,54
20	Nyu-York	0,52
21	Sinqapur	0,46
Qiymətlər haqlı və əsaslıdır
22	Madrid	0,37
23	Milan	0,35
Qiymətlər lazımı səviyyədən aşağıdır
24	Varşava	1,18
25	Dubay	-0,57