Gələn həftədən etibarən Tehran-Bakı istiqamətində həftədə iki reys yerinə yetiriləcək.
APA-nın Tehran bürosunun məlumatına görə, “Bakı Star” şirkətinin direktoru və İran Hava Yollarının Bakı üzrə rəsmi nümayəndəsi Məhəmməd Mir Rzayi APA-ya bildirib ki, İmam Xomeyni Beynəlxalq Hava Limanının yenidən fəaliyyətə başlamasından sonra Tehran-Bakı marşrutu üzrə üçüncü reys cümə axşamı həyata keçiriləcək.
Onun sözlərinə görə, gələn həftədən etibarən Tehran-Bakı istiqamətində müntəzəm olaraq həftədə iki reys icra olunacaq.
Mir Rzayi qeyd edib ki, hazırda reyslərin sayının həftədə 6 uçuşadək artırılması potensialı mövcuddur və bununla bağlı qərar gələcək şəraitə uyğun veriləcək.
O həmçinin Bakı-Məşhəd reyslərinin başlanacağını açıqlayıb.
Bildirilib ki, Bakıdan Məşhəd istiqamətində ilk reysin şənbə günü həyata keçirilməsi planlaşdırılır.
Heydər Əliyev Beynəlxalq Hava Limanından APA-nın sorğusuna cavab olaraq bildirilib ki, qeyd olunan reyslərlə bağlı hava limanına rəsmi müraciət daxil olmayıb və hazırda bu istiqamətdə təsdiqlənmiş əməliyyat məlumatı mövcud deyil.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
