İlk dəfə olaraq Rəqəmsal İnkişaf və Nəqliyyat Nazirliyi (RİNN) "Rəqəmsal Dialoq" layihəsinə start verir.
RİNN-dən "APA-Economics"ə verilən məlumata görə, bu gün - 15 aprel saat 20:30-da nazirliyin "Facebook" səhifəsində "Rəqəmsal Dialoq" adlı yeni veriliş yayımlanacaq. Verilişin məqsədi nazirliyin fəaliyyəti barədə ictimaiyyətə ətraflı məlumat vermək, vətəndaşların suallarını cavablandırmaqdır.
Qeyd edək ki, hər ay canlı yayımlanacaq proqramın ilk qonağı nazirin müşaviri Rəşad Bayramov olacaq.