Bakı. Aqşin Rafiqoğlu - APA-Economics. “Azərsu” ASC-nin yeni inzibati binasının tikintisi üzrə işlər yekunlaşmaq üzrədir və gələn il bina istifadəyə veriləcək.
“APA-Economics”in xəbərinə görə, bunu “Azərsu” ASC-nin bu ilin 9 ayının yekunlarına və qarşıda duran vəzifələrə həsr olunmuş geniş müşavirəsi zamanı cəmiyyətin sədri Qorxmaz Hüseynov bildirib.
Onun sözlərinə görə, bu ilin yanvar-sentyabr ayları ərzində Bakı şəhəri və Abşeron yarımadasında tunel tipli kanalizasiya kollektorlarının tikintisi istiqamətində ciddi işlər görülüb. İndiyədək 15 km uzunluğunda tunel tikilib və tunel qazma işləri davam etdirilməkdədir: “Bu kollektorlar gələcəkdə paytaxtda və ətraf qəsəbələrdə yeni kanalizasiya şəbəkələrinin tikintisinə zəmin yaradacaq: “Eyni zamanda tullantı sularının təmizləyici qurğulara ötürülməsini asanlaşdıracaq”.
Q. Hüseynov bildirib ki, tikinti-quraşdırma işləri ilə yanaşı, digər sahələrdə də mühüm tədbirlər həyata keçirilib: “Ötən müddətdə inzibati xətalar və cinayət məcəllələrinə edilən dəyişikliklər, “Sudan istifadə qaydaları”nın təsdiqi və s. məsələlər istehlakçılarla hüquqi münasibətlərin tənzimlənməsinə xidmət edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
