Bakı. Mübariz Aslanov - APA. Azərbaycanda artıq «ASAN xidmət»i sifariş etmək mümkün olacaq. APA-nın məlumatına görə, bunu Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin («ASAN xidmət») sədri İnam Kərimov Sumqayıtda yeni yaradılan «ASAN xidmət» mərkəzində keçirdiyi mətbuat konfransında bildirib.
O qeyd edib ki, bu məqsədlə 5 minik avtomobili alınıb və bu avtomobillər xüsusi cihazlarla təchiz olunacaq: «Vətəndaşlar artıq «ASAN xidmət»i sifariş də edə biləcəklər. Lakin bu formada xidmət üçün əlavə ödəniş tələb olunacaq. Adi rejimdə xidmət göstərilən zaman isə heç bir əlavə haqq tələb olunmayacaq».
İ.Kərimov bildirib ki, bu ilkin layihədir, gələcəkdə həmin avtomobillərin sayının artırılması nəzərdə tutulur: «Bundan başqa xüsusi motosikletlər də alınıb. Onlar əsasən artıq hazır sənədləri vətəndaşlara çatdırmaqla məşğul olacaqlar. Bundan əlavə, «ASAN xidmət» mərkəzlərinin olmadığı bölgələrdə, kəndlərdə vətəndaşlara yerindəcə səyyar xidmət göstərilməsi üçün 2 avtobus gətirilib. Həmin avtobuslar xüsusi lazımi cihazlarla təchiz edilib».
Agentliyin sədri bildirib ki, dövlət başçısının göstərişi ilə çox yaxın zamanda Azərbaycanın bütün bölgələrində yaşayan vətəndaşlar «ASAN xidmət» mərkəzlərinin xidmətindən faydalana biləcəklər.
«ASAN xidmət» səyyar xidmətlərə başlayır
04 may 2013 10:54 (UTC +04:00)
İnfrastruktur
Aliyə Əzimova: Azərbaycan iqlim imkanlarını yaşıl artıma çevirə bilər
12:30
17 may 2024
AZAL ilə Pekinə xüsusi qiymətlərlə səyahət etmək fürsətini qaçırmayın
09:38
17 may 2024
Ərdoğan Bakı-Tbilisi-Qars dəmir yolunun tam potensialı ilə fəaliyyət göstərəcəyini deyib
19:32
16 may 2024
Bakıda tıxacların aradan qaldırılması məqsədilə 7 layihə icra ediləcək
17:14
16 may 2024