Bakı. Nicat Mustafayev – APA-Economics. Mayın 19-dan etibarən «Azərbaycan Hava Yolları» QSC (AZAL) Bakı-Antalya aviareysi üzrə birbaşa uçuşları bərpa edəcək.
AZAL-dan «APA-Economics»ə verilən məlumata görə, uçuşlar ilkin olaraq həftədə bir dəfə - VII günləri saat 11:10-da, iyun ayından etibarən həftədə iki dəfə – II və VII günləri, daha sonra isə həftədə bir neçə dəfə yerinə yetiriləcəyi gözlənilir. Mövsümi xarakter daşıyan Bakı-Antalya aviareysi üzrə uçuşlar oktyabrın 16-dək yerinə yetiriləcək.
Aviaşirkətdən həmçinin bildirilib ki, Türkiyənin sözügedən kurortuna uçuşlar «Boeing-767» təyyarələri ilə həyata keçiriləcək. Hazırda Bakı-Antalya-Bakı aviareysi üzrə bir biletin minimal qiyməti 491 manat təşkil edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
