Bakı. Nicat Mustafayev – APA-Economics. Bu ilin yanvar-aprel aylarında Azərbaycanın nəqliyyat sektorunda fəaliyyət göstərən təsərrüfat subyektləri tərəfindən 2013-cü ilin dörd ayında 66,2 mln. ton və ya ötən ilin müvafiq dövrünə nisbətən 2,2% çox yük daşınıb, qeyri-neft yüklərinin həcmi 6,1% artaraq 44,6 mln. tona çatıb.
Dövlət Statistika Komitəsindən «APA-Economics»ə verilən məlumata görə, nəqliyyat vasitələri ilə daşınmış yüklərin 53,6%-i avtomobil, 28,9%-i boru kəməri, 11,2%-i dəmir yolu, 6,3%-i dəniz nəqliyyatı vasitələri ilə həyata keçirilib.
Qeyri-dövlət bölməsində yük daşınması 2,9% artıb, bu bölməyə məxsus nəqliyyat vasitələri ilə yük daşınmasının payı nəqliyyat sektorunda 72,2% təşkil edib.
«Yanvar-aprel aylarında nəqliyyatçılar 532,4 mln. nəfərə və ya əvvəlki ilin eyni dövrü ilə müqayisədə 7,8% çox sərnişinə xidmət göstərib. Sərnişinlərin 86,9%-i avtomobil, 12,9%-i metro nəqliyyatının xidmətlərindən istifadə edib», - deyə Komitədən bildirilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
