Bakı. Nicat Mustafayev – APA-Economics. İyunun 1-dən etibarən «Ukraine International Airlines» aviaşirkəti Donets-Bakı marşrutu ilə birbaşa aviareyslərə başlayacaq. Bu barədə «APA-Economics»ə Heydər Əliyev Beynəlxalq Aeroportundan bildirilib.
Hava limanından verilən məlumata görə, Donetskdən Bakıya uçuş mayın 31-də yerli vaxtla saat 21:20-də yerinə yetiriləcək və təyyarə Bakıya iyunun 1-də gecə saat 01:35-də çatacaq: «Bakı-Donetsk aviareysi isə saat 02:35-də həyata keçiriləcək ki, təyyarə Ukrayna vaxtı ilə saat 03:15-də Donetsk hava limanına enəcək. Göründüyü kimi, Bakı-Donetsk aviareysi üzrə uçuşlar həftədə bir dəfə – şənbə günləri yerinə yetiriləcək».
Qeyd edək ki, sözügedən aviareys üzrə uçuşlar «Boeing-737» avialayneri ilə həyata keçiriləcək.
Xatırladaq ki, «Ukraine International Airlines» aviaşirkəti hazırda Kiyev-Bakı-Kiyev aviareysini yerinə yetirir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
