Gəncə. Azər Məmmədli – APA. Gəncədə bərk məişət tullantılarının idarə olunması layihəsini müzakirə etmək üçün Almaniya İnkişaf Bankının nümayəndələri Gəncəyə səfər ediblər.
APA-nın qərb bürosunun verdiyi məlumata görə, Gəncə şəhər İcra Hakimiyyətinin başçısı Elmar Vəliyevlə keçirilən görüşdə vurğulanıb ki, «Gəncə şəhərində bərk məişət tullantılarının idarə edilməsi» layihəsinə Azərbaycan hökuməti tərəfindən müsbət rəy verilib.
Bankın Avropa və Asiya ölkələri üzrə direktoru Şerifa Larabi jurnalistlərə müsahibəsində səfərin məqsədinin layihənin qiymətləndirilməsi olduğunu deyib. O, bildirib ki, sözügedən layihənin reallaşdırılması Gənəcənin ekoloji mühitinin yaxşılaşdırılması, eləcə də regionunu təbii resurslarının mühafizəsinə yönəlib: “Layihənin ilin sonunadək reallaşdırılması nəzərdə tutulub. Layihə çərçivəsində bərk məişət tullantılarının idarə olunması üçün Gəncədə yeni poliqonun yaradılması da planlaşdırılır”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
