Bakı. Aynur Əliyeva – APA-Economics. R9 Qaraməryəm-İsmayıllı-Şəki (46km) -Sumağallı-Qalacıq avtomobil yolunun 8-ci km-də İstisuçay üzərində yerləşən kiçik körpüdə cari təmir işlərinin aparılmasına baxmayaraq təbii hadisələr nəticəsində tamamilə yararsız hala düşüb.
Bu barədə “APA-Economics”ə Nəqliyyat Nazirliyi “Azeryolservis” ASC-nin mətbuat xidmətinin rəhbəri Pünhan Mürsəliyev bildirib.
Belə ki, keçən əsrin 60-70-ci illərində inşa olunan körpü sel sularının təsirindən dağılıb, çayın məcrası genişlənərək ətraf sahələrə də təhlükə yaradıb. Demək olar ki, yaz-yay aylarında çayda su çoxaldıqca kəndlərin rayon mərkəzi ilə əlaqəsi kəsilirdi.
Bütün bunları nəzərə alaraq 2014-cü ilin yanvar ayından körpüdə əsaslı təmir işlərinə başlanılıb. Artıq körpüdə işlər başa çatdırılıb. Uzunluğu 57 m, qabariti 8 m olan körpü üç aşırımlıdır. Hazırda su nizamlayıcı qurğuların tikintisi işləri gedir. Bu ilin oktyabr ayı ərzində işlərin tamamilə yekunlaşması planlaşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
