İnfrastruktur

Ana səhifə

İnfrastruktur

Ötən ay Bakıda kommersiya obyektlərinin qiyməti dəyişməyib - TƏHLİL

Ötən ay Bakıda kommersiya obyektlərinin qiyməti dəyişməyib - <span style="color: red;">TƏHLİL

25 sentyabr 2014 14:06 (UTC +04:00)

Bakı. Aqşin Rafiqoğlu – APA-Economics. Bu ilin avqust ayı ərzində Bakının qeyri-yaşayış sahələri bazarında iyul ayı ilə müqayisədə aktivliyin və qiymətlərin stabil qalması ilə yadda qalıb.

“APA-Economics”in paytaxtın qeyri-yaşayış sahələri bazarını araşdıran "MBA Consulting Group" tərəfindən aparılan monitorinqin nəticələrinə istinadən verdiyi məlumata görə, qeyri-yaşayış sahəlində aktivliyin və qiymətlərin stabil qalmasına səbəb yay mövsümünün bitməməsi, gəlirliyin azalması və kommersiya obyektləri bazarında aktivlik səviyyəsinin dəyişməməsi olub.

Ümumilikdə, son üç ay ərzində qiymətlərin azalması ilə yanaşı ümumi satış portfelində təklifin sayının azalması da baş verib. Digər seqmentlərlə müqayisədə təklif üzrə ən çox azalma yer və ofis seqmenti üzrə qeydə alınıb.

Hesabat dövründə daşınmaz əmlak alqı-satqı mərkəzlərinə müraciət edənlərin sayında və buna müvafiq olaraq bağlanan əqdlərin dinamikasında əvvəlki ayla müqayisədə azalma qeydə alınıb. Ümumilikdə müxtəlif qəzet və elanlarda, internet səhifələrində satış məqsədi ilə reklama çıxarılan və alqı-satqı ofislərinə təklif olunan obyektlərin sayı ay ərzində 29,7% azalaraq 172 ədəddən 121 ədədə enib. Kommersiya obyektləri bazarında bağlanan əqdlərin sayı iyul ayında olduğu kimi avqust ayında da 108 ədəd təşkil edib.

Satış məqsədi ilə bazara təklif olunan kommersiya obyektlərinin həcmində əsas paya 38%-lə “boş yer” təyinatlı sahələr malikdir (bu tip obyektlər o obyektlərdir ki, hansılar ki, təyinatı dəqiq deyil və onlar ofis, mağaza və ya xidmət təyinatı altında istifadə oluna bilərlər). Xidmət və mağaza təyinatlı yerlər isə bazarda müvafiq olaraq 16% və 8% paya sahibdirlər. Satışda olan ofis təyinatlı yerlərin sayı ümumi payın 5%-nə, qalan seqmentlər isə (zirzəmi, anbar, qaraj, sənaye və s.) bazarda payın 6%-nə malikdirlər.

Qeyri-yaşayış obyektlərinin orta sahəsi iyun ayı üçün 128,54 kv.m təşkil edib ki, bu da öz növbəsində ötən aya nisbətən 22% azalıb. Azalmaya əsas səbəb kimi əmlak bazarında ayrıca böyük sahələrə malik tikili obyektlərinin satışa təklifin azalması ilə əlaqələndirmək olar. Araşdırmalar nəticəsində Bakı şəhərində ən böyük sahə Nəsimi rayonunda, Rəşid Behbudov küçəsində boş yer qeydə alınıb, 720 kv,m, ən az sahəyə isə Yasamal rayonunda, Nizami m/st yaxınlığında 12 kv,m sahəyə malik olan yer qeydə alınıb.

Əvvəlki aylarla müqayisədə avqust ayı ərzində kommersiya obyektləri satışı bazarında müşahidə edilən stabil dinamika, orta qiymətə də ciddi dərəcədə təsir etməyib. Avqust ayı üçün bazarda orta satış qiyməti əvvəlki ay ilə müqayisədə 0,5% artaraq 3 857 dollar/kv.m təşkil edib. Avqust ayında aktivliyin dəyişməz olaraq qalması, obyektlərin satışının ekspozisiya müddətinin də dəyişməz qalmasına səbəb olub. Ay ərzində qeyri-yaşayış sahələri bazarında obyektlərin satış ekspozisiya müddəti 149 gün təşkil edib.

Ötən ay qeyri-yaşayış sahələrinin alqı-satqısı qiymətlərinin dəyişməməzliyi ilə yanaşı, obyektlərin icarəsi bazarında stabillik müşahidə edilib. Bakı şəhəri üzrə 1 kv.m qeyri-yaşayış sahəsinin orta icarə qiyməti 19,35 dollar/kv.m/ay təşkil edib. Avqust ayında qiymət indeksi ötən ilin müvafiq ayı ilə müqayisədə bərabər bənddə qərarlaşıb. Qiymətlərin son ayda artması nisbətən I və III zonalarda, qismən azalması isə II və IV zonalarda müşahidə edilib.

Qiymətlərin son ayda dəyişməz qalması əsasən təklif portfelində seqment dəyişikliyi və bazarın ümumi tendesiyası ilə izah olunur. Ümumilikdə son aylarda yay mövsümü ilə əlaqədar bazarda qiymətlərdə və bazarın aktivliyində azalma müşahidə olunması avqust ayında da öz əksini tapıb.

Sahələr	Iyul 2014	Avq 2014	%
mağaza	4590	4426	-3,57%
yеr	3773	3500	-7,24%
xidmət	3423	3534	3,24%
оfis	2561	2545	-0,62%
zirzəmi	1020	1022	0,20%
sənаyе	670	668	-0,30%
ortа qiymət	3836	3857	0,55%

Zonalar üzrə obyektlərin icarə qiymətlərində ümumilikdə ciddi dəyişiklik qeydə alınmayıb.

Zonalar	iyul 2014	avqust 2014	%
I zona	18,89	18,5	-2,1%
II zona	20,58	20,3	-1,4%
III zona	16,89	18,03	6,7%
IV zona	8	8,1	1,3%
ortа qiymət	19,28	19,35	0,36%

Şəhərin mərkəz hissəsi I və II zonalar üzrə obyektlərin icarə qiymətlərində nisbətən azalma, III və IV zonalarda isə nisbətən artım müşahidə edilib.

seqmentlər	iyul 2014	avqust 2014	artım/azalma, %
mağaza	27,7	31,76	14,66
yеr	20,76	16,68	-19,65
xidmət	21,59	20,64	-4,40
оfis	12,7	16,1	26,94
zirzəmi	4,1	4,5	8,96
sənаyе	4,8	4,8	0,00

Ümumilikdə ilin əvvəlindən başlayan qiymət artımı yay fəslində, son üç ayda azalmaya meylli olub. Son aylarda kommersiya təyinatlı daşınmaz əmlakın gəlirliyində azalmalar müşahidə edilir. 2013-cü ildə bütünlüklə və 2014-cü ilin əvvəlində müşayət edilən bazar trendi 2014-cü ilin sonuna doğru rəqəmlərin daha yumşaq formada cərəyan edəcəyinə zəmin yaradır.