Bakı. Viktoriya Dementyeva - APA. Şimal-Cənub beynəlxalq nəqliyyat dəhlizi layihəsinin Əlaqələndirmə Şurasının növbəti görüşü bu ay Bakıda keçiriləcək. APA-nın Hindistan XİN-inə istinadən verdiyi məlumata görə, Azərbaycanın xarici işlər naziri Elmar Məmmədyarovun bu ölkəyə səfəri zamanı layihənin icrasının aktivləşdirilməsi ilə bağlı məsələlər müzakirə olunub.
Şimal-Cənub nəqliyyat dəhlizinin ümumi uzunluğu 7 200 km-dir və Hindistan və Fars körfəzi ölkələrindən sərnişin və yüklərin Azərbaycan və Rusiya ərazisi ilə Şimali və Qərbi Avropaya daşınması üçün nəzərdə tutulub.
Şimal-Cənub beynəlxalq nəqliyyat dəhlizi üzrə hökumətlərarası saziş Rusiya, İran və Hindistan tərəfindən Sankt-Peterburqda 2000-ci il sentyabrın 12-də imzalanıb. Sonradan sənədə Azərbaycan, Qazaxıstan, Türkiyə, Ukrayna və s. qoşulub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
