Bakı. Viktoriya Dementyeva – APA-Economics. Yay fəslinin əvvəlindən etibarən Bakı (Azərbaycan) və Burqas (Bolqarıstan) şəhərləri arasında birbaşa aviareyslər açılacaq.
“APA-Economics”in xəbərinə görə, bu məsələ Burqas meri Dimitr Nikolovla Bolqarıstanın Azərbaycandakı səfiri Maya Xristova arasında keçirilən görüşdə müzakirə olunub.
Tərəflər qeyd ediblər ki, aviareyslər bir neçə həftədən sonra həyata keçiriləcək. Birbaşa aviareysin açılması azərbaycanlı turistlərin Bolqarıstana axınını artıracaq, iki ölkə arasında mədəni və turist əlaqələrinin inkişafına təkan verəcək.
Burqas meri qeyd edib ki, bu, mövsümi aviareys olsa da, gələcəkdə mütəmadi şəkil alacağına ümid edir.
Görüşdə Azərbaycan aviaşirkətlərinin və turizm şirkətlərinin nümayəndələri də iştirak edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
