Bakı. Musa Əhmədov – APA-Economics. “Paşa Bank”ın aktivlərinin həcmi 2016-cı ilin II rübündə 2 mlrd. 38,420 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 23,96% çoxdur.
Bankdan “APA-Economics”ə verilən məlumata görə, hesabat dövründə bankın kredit portfeli 18,61% artaraq 719,183 mln. manat olub.
Bu ilin iyulun 1-nə istehlak kreditlərinin həcmi 90,201 mln. manat təşkil edib.
Bankın depozit portfeli hesabat dövrü ərzində 33,84% artaraq 1 mlrd. 274,236 mln. manata, çatıb. Əhalinin əmanətləri 335,648 mln. manat olub ki, bu da illik müqayisədə 40,3% çoxdur.
Bir il ərzində bankın məcmu kapitalı 4,9% artaraq 368,799 mln. manata çatdığı halda, nizamnamə kapitalı 333 mln. manat səviyyəsində qalıb.
Bankın gəlirləri ötən ilin müvafiq dövrünə nisbətən 2,08 dəfə artaraq 92,828 mln. manata, xərcləri isə 2 dəfə artaraq 49,637 mln. manata çatıb.
Cari ilin ikinci rübünü bank 20 mln. 329 min manat mənfəətlə başa vurub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
