Bakı. Cavid Zeynallı – APA. Azərbaycan Tərcümə Mərkəzinin sədri, yazıçı Afaq Məsud, xalq şairi Fikrət Qoca və Müəllif Hüquqları Agentliyinin sədri Kamran İmanov TÜRKSOY-un medalı ilə təltif ediliblər.
Tərcümə Mərkəzinin mətbuat xidmətindən APA-ya verilən məlumata görə, “Ümumdünya Kitab və Müəlliflik Hüququ Günü”nə həsr olunmuş “Müəllif və riyakarlıq, kitab və yalan” mövzusunda keçirilən konfransda TÜRKSOY-un katibi Düsen Kaseinov türkdilli ölkələrin münasibətləri, Azərbaycan və Qarabağ həqiqətləri haqqında çıxış edərək, türkdilli ölkələrarası əlaqələrin möhkəmlənməsi istiqamətində görülən işlərdən danışıb.
Ölkələr arasında ədəbi-mədəni əlaqələrin qurulması istiqamətində xidmətlərinə görə Nazirlər Kabineti yanında Tərcümə Mərkəzinin direktoru, yazıçı Afaq Məsud, Müəllif Hüquqları Agentliyinin sədri Kamran İmanov və Azərbaycan Yazıçılar Birliyinin katibi, şair Fikrət Qoca TÜRKSOY-un medalı ilə təltif ediliblər.
Tədbir iştirakçılarına “Tərcümə Mərkəzinin kitabları” seriyasından nəşr edilən Oljas Süleymenovun “Az-Ya” kitabı hədiyyə olunub.
Qeyd edək ki, Azərbaycanda “23 aprel – “Ümumdünya Kitab və Müəlliflik Hüququ Günü” 1995-ci ildən, “26 Aprel – “Beynəlxalq Əqli Mülkiyyət Günü” isə 2001-ci ildən etibarən hər il qeyd olunur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
