“Biz doğrudan da hər kəsin iqlim məsələlərinə öz töhfəsini vermək üçün səfərbər olduğunu görürük”.
APA xəbər verir ki, bunu Bakı İqlim Fəaliyyəti Həftəsinin (BİFH) açılış günü çərçivəsində “İqlim İmperativi – Yerli Fəaliyyətdən Qlobal Fəaliyyətə” panelində çıxışı zamanı BMT-nin Azərbaycandakı Rezident Əlaqələndiricisi Vladanka Andreeva deyib.
"Biz, BMT-nin Azərbaycandakı Nümayəndəliyi olaraq, bu istiqamətdə bir çox tərəfdaşlarla, o cümlədən, “29 İqlim söhbəti” adlı aparıcı təşəbbüs çərçivəsində, COP29 Sədrliyinin heyəti, Hökumət, özəl sektor, gənclər, akademik dairələr və vətəndaş cəmiyyəti ilə əməkdaşlıq edirik", - deyə o qeyd edib.