Gəncə-Daşkəsən yolunun Göygöl rayonu ərazisindən keçən hissəsində piyadanın vurulması ilə nəticələnən yol qəzası qeydə alınıb.
APA-nın qərb bürosunun verdiyi məlumata görə, hərəkətdə olan “VAZ 2109” markalı avtomobil 1984-cü il təvəllüdlü Xirətləndi Elgünü vurub. Sürücü vurduğu piyadanı xəstəxanaya çatdırıb.
Yaralıya müvafiq tibbi yardım göstərilib, vəziyyətinin kafi olduğu bildirilir.
İlkin ehtimala əsasən, hadisə zamanı piyada sərxoş olub.
Faktla bağlı araşdırma aparılır.