Maliyyə

Ana səhifə

Maliyyə

Azərbaycandakı bankların kapitalın yetərliliyi əmsalı üzrə renkinqi

09 mart 2010 08:31 (UTC +04:00)

Bakı. Elnur Hüseynquluyev – APA-Economics. Azərbaycanda fəaliyyət göstərən bank kredit təşkilatlarının 2010-cu ilin yanvar ayının 1-nə müxtəlif maliyyə göstəriciləri üzrə renkinqlərinin hazırlanması layihəsi çərçivəsində «APA-Economics» bu dəfə bankların kapitalın yetərliliyi əmsalı üzrə sıralamasını təqdim edir.

Bu əmsalın ən sadə hesablanması mexanizmi bankların məcmu kapitalının aktivlərin həcminə nisbətinin çıxarılması prinsipinə əsaslanır. Banklar fəaliyyətin minimal kapital əsasında qurulmasının tərəfdarı olsa da, bank sektorunda tənzimləyici funksiyalarını yerinə yetirən dövlət qurumları əksinə, kapitalın həcminin mütəmadi artırılmasının lehinə çıxış edir. Çünki kapitalın yetərliliyi bankın ümumi etibarlılığını qiymətləndirir.

Ekspertlərin fikrincə, məhz bu göstərici bankın əmanətçilərə maddi ziyan vurmadan hansı səviyyədə zərəri maliyyələşdirmək iqtidarında olduğunu əks etdirir.

Aşağıdakı cədvəldə ölkədəki bankların kapitalın yetərliliyi əmsalı (01.01.2010-cu il vəziyyətinə) barədə məlumat verilir:

Banklar

Məcmu kapital/Aktivlər

1 Kövsər Bank 58,80
2 Bank Avrasiya 50,07
3 Azərbaycan Kredit Bankı 46,00
4 Gəncəbank 42,62
5 Günaybank 41,53
6 Paşa Bank 40,86
7 Deka Bank 39,41
8 NBCBank 38,49
9 Azərnəqliyyatbank 37,19
10 Melli İran Bankı - Bakı 35,64
11 Birlik Bank 35,39
12 United Credit Bank 32,17
13 Atrabank 29,29
14 YapıKredi Bank Azerbaijan 27,98
15 Qafqaz İnkişaf Bankı 26,51
16 Kredo Bank 21,68
17 Azər-Türk Bank 21,04
18 AccessBank 20,37
19 Amrahbank 20,29
20 Azərbaycan Sənaye Bankı 18,93
21 Turanbank 18,51
22 Bank of Baku 17,54
23 DəmirBank 17,51
24 Unibank 16,85
25 Bank Respublika 15,96
26 Xalg Bank 15,11
27 Royal Bank 14,67
28 Muğan Bank 14,53
29 Nikoil Bank 14,48
30 Bank Standard 14,09
31 AGBank 13,28
32 Parabank 13,02
33 Texnikabank 12,81
34 Rabitabank 12,67
35 AtaBank 12,61
36 Bank of Azerbaijan 12,51
37 Kapital Bank 11,74
38 Zamin Bank 9,88
39 Azərbaycan Beynəlxalq Bankı 9,84

Kapitalın yetərliliyi əmsalına gəldikdə, ilk yeri respublikanın ən iri bankı - Azərbaycan Beynəlxalq Bankı (ABB) deyil, «Kövsər Bank» tutub. Belə ki, bu bank üzrə kapitalın yetərliliyi əmsalı 58,80%-ə bərabər olub. ABB isə 9,84% göstəricisi ilə sonuncu pillədə qərarlaşıb.

Lakin nəzərə almaq lazımdır ki, beynəlxalq təcrübəyə əsasən, kapitalın yetərliliyi əmsalının 10-20% civarında olması daha məqsədə uyğundur və bu, bankın etibarlı olduğunu göstərir. Həmin əmsalın həddindən artıq yüksək olması isə əksər hallarda bankların aktivlərin cəlb edilməsi sahəsində mövcud problemləri ilə bağlıdır. Yəni, yuxarıdakı renkinqin ikinci yarısında yerləşən bankların vəziyyətini müsbət qiymətləndirmək mümkündür.